品粵居 (已結業)

呢間新派茶樓主打中式料理同精緻點心，去厭咗傳統茶樓，可以去試吓～▪️流沙奶黃BB雞造型好可愛，頭頂仲有埋蛋殼，好細緻，流沙奶黃好流心，食落唔算好甜▪️榛子朱古力牛仔包🍫榛子朱古力更加流心，一搣開就爆曬出嚟，食嘅時候要小心😂▪️金邊品粤蝦餃🦐蝦餃皮厚薄適中，最特別係邊邊加咗金箔，有條金邊即刻高級咗咁▪️西施蟹肉餃🦀都幾多蟹肉，仲有紅蘿蔔粒同西芹粒，食落幾鮮味▪️響鈴鮮蝦腸粉🦐粉紅色嘅腸粉，賣相更吸精。另外入面加咗響鈴，食落多咗一份脆感，面頭仲有啲蟹籽，口感豐富▪️蜜梨鹹水角食落就同平時嘅鹹水角差唔多，不過好似個餡冇咁多肥肉，同埋個皮冇咁油膩。另外，個蒂用咗芋頭去整，所以連個蒂都食得▪️金沙鮮淮山鹹蛋黃同鮮淮山呢個配搭幾新鮮，原來都幾夾喎。鮮淮山好爽口，配埋金沙，好惹味▪️奶黃兔仔餃造型又係好得意，入面包住滿滿嘅奶黃餡，食落個感覺有啲似奶黃水晶包▪️海苔牛奶卷🥛類似炸鮮奶，炸得外脆內軟▪️椰汁流心球好香脆，咬開入面係椰汁西米，幾特別品粵居📍灣仔摩理臣山道5-9號天樂廣場1樓