名館 (希慎廣場) (已結業)

餐廳走新派中菜路線，裝修都幾靚。名館厚切叉燒皇名館招牌菜，叉燒既肉質肥瘦適中而且表面塗上的蜜汁，不會過甜，份量都唔細，相當唔錯。四季椰子肉雞湯用茶壺裝住，並以茶杯代替湯碗，這個飲法既特別又能保持雞湯既熱度。椰子雞湯香氣濃郁，味道清甜。 金銀蒜銀魚蒸娃娃菜金銀魚配搭娃娃菜好夾，娃娃菜鮮甜美味，食材簡單，味道一流。 冰鎮鮮菠蘿咕嚕肉招牌之一，坐附近既人都有叫，咕嚕肉肉質外脆內軟，配上新鮮菠蘿，甜酸度亦剛好。精緻點心拼盤雖然係晚市，但係都有點心食，點心嘅款式好多，分別有銀湖天鵝酥、潮州蒸粉果、荀尖蝦餃皇、大良鮮奶一口酥、芝麻芋絲軟夾。 特別推介芝麻芋絲軟夾，一來唔多地方有得食，二來芋絲中間夾着咸香的豬肉，味道一流。整體都好滿意，下次帶多啲朋友嚟食既時候，叫多D唔同野試下。