龍點心 (Eastcore)

營業中

休息中

觀塘真係越來越方便，海濱長廊真係風景優美假日好去處，而且商場亦都好多不同種類的餐廳。松本清在apm盛大開幕，冇得返鄉下嘅我哋，當然要第一時間去朝聖。亦都係因為太多人去朝聖，最少都要排兩個鐘頭先入到去，唯有留番下次再來。立即轉場到網友大力推薦的 龍點心 🥟🥡😃😃雖然已經係下晝2點鐘，但仍然人山人海，一批又一批嘅精美點心送上客人面前。等位時已經睇定食乜嘢，坐低之後以極速完成點餐✌✌大澳蝦醬鮮魷卷外層鬆脆香口， 而且顏色金黃，蝦醬配搭魷魚十分滋味，蝦醬味道不會過鹹， 餡料還有鮮蝦和芫茜，這個真是值得推薦。韭黃鮮蝦腸粉外表平平無奇，其實腸粉皮非常滑溜，而且彈牙煙韌，鮮蝦都幾大隻，夠哂爽口。酸菜魚鳳眼餃造型好得意，最頂係龍利魚，以中間嘅餡料有蝦肉和酸菜，橙黃色外皮很吸睛，味道香辣。黑松露野菌晶瑩餃紫色外皮女仔會勁仲意，影相打咭就最啱，黑松露味道都幾突出，都算幾香口。龍燒賣四款唔同既燒買，懷舊燒賣、麻辣牛肉燒買賣、蕃茄海鮮燒賣、龍蝦汁墨魚燒買，一次過滿足四個願望。最中意麻辣牛肉燒買，夠曬刺激香辣。