影片
更多
2023-03-05
26 瀏覽
食材新鮮，環境服務唔錯。我唔食芥末，師傅就即場磨新鮮嘅芥末俾我，的確係唔辣，而且可以增加香氣。我揀咗$1488既dInner set ，份量對我來講啱啱好。前菜係土佐啫喱配毛蟹肉，蟹肉有魚子醬金箔，嫩口嘅蟹肉配上啫喱既酸非常開胃，我非常鍾意！而薄切平目配柚子皮同樣清新，食材同調味料嘅配搭得宜。帆立貝配白蝦嘅醬油非常鮮美。仲有我最鍾意嘅天然中拖羅，肥美得黎，又唔會有膩既感覺。禾稈草煙燻鰹魚配上薑蓉和紫菜碎，食到煙燻嘅效果。一品料理就有平時比較少食嘅海膽天婦羅。呢個係一個幾好嘅嘗試，口感幾特別。生蠔配三文魚子，食落感覺清新，好creamy同埋好夠海水味，平時唔食生蠔嘅朋友食完都可能會愛上。之後就係八貫手握壽司，分別係真雕、伊佐木、深海池魚、青魚、火炙喜之次、小肌、拖羅同海膽。個人最鍾意食肥美同入口即溶嘅拖羅。-食咗咁多件壽司開始有啲飽，服務員遞上綿滑嘅腐竹湯湯，清清地好消滯。最後畫上完美句號嘅唔少得三款甜品，分別係抹茶蕨餅、紅豆抹茶奶凍同埋朱古力泡芙。雖然冇咗本身希望有得食嘅靜岡蜜瓜，不過師傅準備嘅甜品都非常出色。花貝日本料理係值得去既，食物質素同埋環境服務都係水平之上，比到我一個好好嘅o
前菜係土佐啫喱配毛蟹肉，蟹肉有魚子醬金箔，嫩口嘅蟹肉配上啫喱既酸非常開胃，我非常鍾意！而薄切平目配柚子皮同樣清新，食材同調味料嘅配搭得宜。
帆立貝配白蝦嘅醬油非常鮮美。
仲有我最鍾意嘅天然中拖羅，肥美得黎，又唔會有膩既感覺。
禾稈草煙燻鰹魚配上薑蓉和紫菜碎，食到煙燻嘅效果。
一品料理就有平時比較少食嘅海膽天婦羅。呢個係一個幾好嘅嘗試，口感幾特別。
生蠔配三文魚子，食落感覺清新，好creamy同埋好夠海水味，平時唔食生蠔嘅朋友食完都可能會愛上。
之後就係八貫手握壽司，分別係真雕、伊佐木、深海池魚、青魚、火炙喜之次、小肌、拖羅同海膽。個人最鍾意食肥美同入口即溶嘅拖羅。
-
食咗咁多件壽司開始有啲飽，服務員遞上綿滑嘅腐竹湯湯，清清地好消滯。
最後畫上完美句號嘅唔少得三款甜品，分別係抹茶蕨餅、紅豆抹茶奶凍同埋朱古力泡芙。雖然冇咗本身希望有得食嘅靜岡蜜瓜，不過師傅準備嘅甜品都非常出色。
花貝日本料理係值得去既，食物質素同埋環境服務都係水平之上，比到我一個好好嘅omakase體驗。
張貼
