農

營業中

休息中

科學園又一打卡點心之選🤩野食精緻，靚靚新裝修，想食粵菜又唔想飲茶或者食傳統中式餐廳咁悶，可以試下呢間🤩 爆汁乳鴿呢度好貼心，知道用手食乳鴿特別開心，所以附送每人一對手套好方便。乳鴿好入味，乳皮加咸香嘅鹵水豉油汁，唔錯呀。 牛榛仔🍫呢個係牛仔形狀嘅流心朱古力包🥰熱辣辣唔會太膩，配其他鹹味點心食一流。不過整到牛仔形狀真係唔忍心咬佢喎😁 黑金蟹粉小籠包小籠包平時無咩睇頭，今次個顏色配襯就夠哂型啦🥰湯好夠多，帶蟹粉味，唔易穿，正。 鹵水墨魚呢個都幾得意，以為白色一舊會無味，點知都幾入味喎🥰質感比魚蛋再彈牙啲，好易咬。 鹵水金錢肚呢個賣相唔錯，不過如果連續食就會偏鹹😝同牛榛仔同海蜇一齊食就唔錯啦。 爽脆海蜇頭呢個酸酸地涼浸浸又真係好爽脆，好開胃，正。 天作之盒🎃原來係南瓜外殼入面有蒸蛋🥰啲蛋好滑，南瓜啲肉淋淋地可以刮出嚟食😁而且好靚。 烈焰菠蘿炒飯🔥🍍一上枱真係好驚喜，以為係普通菠蘿炒飯，點知會著火咁有睇頭😆菠蘿炒飯都好有蛋白，味道剛好。 玫瑰花糕🌹賣相好靚😊望穿晶瑩嘅外層見到散落嘅花瓣😋打卡一流。味道係清新嘅玫瑰味，如果鍾意花系食物同花茶嘅朋友應該會鍾意呢個。