睿海御宴 (已結業)

新年同朋友聚會，當然要搵個坐得舒服嘅地方，但呢間餐廳唔止舒適，食物嘅質素仲好高。餐廳本身裝潢好有中華嘅氣氛，擺設都好配合呢個節日。即使要等位，都可以打下卡消磨下時間。食物方面，朋友叫咗個唔係好多餐廳有嘅蝦籽柚皮，我自己本身就好抗拒，因為曾經喺其他地方食過完全理解唔到點解人會鍾意，但今次試咗係有改變睇法！一啲苦澀味都無，有啲入口即溶，味道有啲似鮮淮山。另外叫咗個鵲巢羊肚菌蝦仁帶子，食材好新鮮！連裝飾嗰塊脆卜卜都食得，好香、好好味！離開時見到餐廳又買新年糕點同羊腩煲，日間仲有點心食。