飯後甜品 (已結業)

有朋友生日，大家齊齊去大埔食飯，食完飯未傾夠計，就係大埔搵甜品舖繼續坐。本來有朋友提議食某間甜品舖，不過剛巧無位，可能要等十零分鐘，隔離的飯後甜品剛有人走，結果就去左呢間。我叫左個雪糕雜果涼粉，賣相都叫靚仔，食甜品都係至在開心，個甜品賣相靚真係會食得開心D。個雪糕雜果涼粉的雪糕可以自己選，而且有好多選擇，我就選左薄荷朱古力，而且個涼粉底仲可以選椰汁或者奶。雜果都幾多果，都係比較硬的生果，但而涼粉份量就比較少，不過整體都OK，只係為了怕雪糕先溶，才先吃了雪糕，結果涼粉食落唔夠凍。講返間甜品味，佢都好多選擇，而且仲改左些好靚的名，加埋賣相都幾吸引，味道都唔錯，值得推介。甜品大約20-30左右，唔算好貴，係環境唔叫大，一大班人要坐得迫小小，整體中上。