White Button Cafe & Dessert (已結業)

補祝閨蜜生日，特意book呢度同佢慶生加談心，粉紅色外牆，花花裝飾，環境裝飾都好少女心，閨蜜表示滿意。😎星期三下午唔算太多人，我地淨係飯後影相自娛都玩左半個鐘，皆因佢有一幅花花牆係專登比你影相，有埋凳比你坐係度影😂😂場內仲有各式合作既寄賣，有衫同香水，感覺好似行埋街咁，又幾得意。就係呢度喇👀👀當然餐廳主打一定要睇埋食物啦，首先我就叫左杯*桂花烏龍奶蓋*奶蓋香濃，唔太甜，配烏龍不錯的。而閨蜜選擇花果茶，叫做*紫水晶*，有咩材料唔太記得，不過酸酸地都幾開胃。*煙三文魚沙律*沙律好新鮮，煙三文魚好厚身，睇相都睇得出佢厚身架😀呢個係餐廳既特色推介，非常適合打卡😳除左賣相特別外，其實味道都好好，龍蝦汁好濃郁，配上櫻花蝦增添口感，意面軟硬度適中，而且龍蝦肉質彈牙多肉不過我諗熱食會更加好味，當然凍晒係因為我地影左太耐😂😂梳乎厘口感都軟滑，抹茶醬唔算太甜，草莓雪糕幾fresh，不過唔算太突出。見佢呢個*玫瑰蜂蜜千層蛋糕*係signature當然試下，個玫瑰醬好香配上蜂蜜既香甜，係幾襯既。另外$22加寫字都覺得抵，因為閨蜜話寫得好靚☺️整個下午都覺得好舒服，食物唔錯，又有娛樂，係可以再食既地方。