影片
更多
2018-11-06
95 瀏覽
今年去左兩次日本，最令我難忘兩餐，一間係神戶食鐵板和牛，另一間係大阪食Omakase，估唔到香港有一間集合呢兩種食法嘅餐廳喺銅鑼灣！我地選擇左食Omakase。但呢個Omakase真係好出色！為我地服務嘅榮師傅好用心去整同點綴菜色，每碟菜都好似藝術品，謀殺我手機memory！第一度菜有3樣食物，首先係柚子水母刺身，水母好爽口，柚子清爽，非常match！另外，蟹肉啫喱都係我好中意，用新嘅方法食蟹！而和肉海膽卷真係拍手掌！和牛燒一燒，肉汁脂肪出左來，加埋海膽嘅鮮味，前菜已經令我期待萬分！重點現身！龍蝦刺身！我之前食過嘅龍蝦刺身都比較薄，只食到鮮甜但食唔到口感！呢度一舊大大口龍蝦比我食，呢個新鮮脆口嘅龍蝦肉質，真係好surprise！因為無想像過龍蝦原來可以係脆口彈牙嘅感覺！而且加入青寧汁食係更鮮甜！全隻龍蝦食真係好豪呀！而且隻蝦新鮮到識郁，忍唔住影相放上網！接住龍蝦刺身後，師傅再比驚喜我地！呢個咁靚嘅盒載住深海池魚配海膽及海藻，估唔到池魚嘅肉質同海膽如此配合，之後就食新鮮嘅北寄貝，新鮮嘅原來係呢隻色㗎！再配合燒過嘅梭子魚，魚皮被火槍燒得剛剛好，外面有一種脆口感，裏面就軟綿綿嘅刺身，真係好好
但呢個Omakase真係好出色！為我地服務嘅榮師傅好用心去整同點綴菜色，每碟菜都好似藝術品，謀殺我手機memory！
第一度菜有3樣食物，首先係柚子水母刺身，水母好爽口，柚子清爽，非常match！另外，蟹肉啫喱都係我好中意，用新嘅方法食蟹！而和肉海膽卷真係拍手掌！和牛燒一燒，肉汁脂肪出左來，加埋海膽嘅鮮味，前菜已經令我期待萬分！
重點現身！龍蝦刺身！我之前食過嘅龍蝦刺身都比較薄，只食到鮮甜但食唔到口感！呢度一舊大大口龍蝦比我食，呢個新鮮脆口嘅龍蝦肉質，真係好surprise！因為無想像過龍蝦原來可以係脆口彈牙嘅感覺！而且加入青寧汁食係更鮮甜！全隻龍蝦食真係好豪呀！而且隻蝦新鮮到識郁，忍唔住影相放上網！
接住龍蝦刺身後，師傅再比驚喜我地！呢個咁靚嘅盒載住深海池魚配海膽及海藻，估唔到池魚嘅肉質同海膽如此配合，之後就食新鮮嘅北寄貝，新鮮嘅原來係呢隻色㗎！再配合燒過嘅梭子魚，魚皮被火槍燒得剛剛好，外面有一種脆口感，裏面就軟綿綿嘅刺身，真係好好食！
我食銀雪魚食得多，但呢種犬牙南極魚就係第一次食，佢比銀雪魚肉質更加實，不易散，但係裏面軟綿綿，師傅用半煎半炸嘅形式做成，外表金黃色香口好味，入面軟綿綿嘅魚肉，令人回味！
接着就係壽司，先來一個海膽蝦壽司，平時食開一定諗起大大隻嘅牡丹蝦，但今次師傅就用細細隻嘅蝦配海膽，蝦嘅味道同海膽味道混合，感覺非常幸福！
師傅用新招數啦，用醋啫喱，切成一片一片，放在魚肉刺身上，魚嘅刺身同醋配合得剛剛好，唔會搶咗魚肉嘅鮮味！
秋天當然要食秋刀魚，睇過秋刀魚嘅色澤就知道新鮮啦！上面用薑去遮蓋大家覺得濃味嘅部份，配合得非常好啊！
海膽係我嘅最愛，師傅亦冇令我失望，佢先將如有用火槍燒一滴一滴的落在壽司飯上，再加上海膽飯該，真係不得了！
物超所值！
張貼
