竹虎京堂

營業中

休息中

前排見到food court 有新既日本餐廳裝修緊，一直好期待佢開張。今日黎MegaBox lunch ，見到虎竹開左張，一於試下！Menu 都幾多選擇，除左熟食外，仲有魚生丼。由於佢係food court 範圍，除左坐係餐廳入面，仲可以係出面食，大家想食唔同餐廳都可以！今日就叫左炙本三文魚左口魚邊小丼，78蚊一個set, 除左主食外，仲有一個帶子邊小食，熱烏冬。刺生新鮮，三文魚都算肥美而且燒過十分香口，左口魚邊有口感，再配埋醬汁，唔洗點豉油都好夠味，魚生上有小小沙律菜同蝦米，配搭魚生食可減低肥膩感。烏冬比較一般，可能預先煮定，有啲淋。整體黎講，食物質素好，而且賣相都十分精緻，但如果份量可以再多啲就完美。