Couch CLUB

營業中

休息中

呢間日式fusion餐廳，食物擺盤同味道都幾講究，真係有啲驚喜。慢煮三文魚配三文魚籽茶漬飯係整體中最好食嘅一道。三文魚慢煮得啱啱好，魚肉鮮嫩滑溜，油脂分佈均勻，入口即化。配埋茶漬飯，茶香輕輕滲入飯粒，唔會過濃，反而同三文魚籽嘅鹹香形成一個好平衡嘅層次感。一啖魚、一啖飯，再加埋魚籽爆開嘅口感，真係好滿足。宇治抹茶拿鐵抹茶味濃郁，唔會過甜，奶香亦唔會搶晒味，飲完唔會覺得太膩，抹茶控應該會鐘意。最後嘅烏龍奶茶布甸配荔枝雪芭係一個幾特別嘅甜品。布甸入口滑溜，好香烏龍茶味，奶茶味道柔和，唔會太甜。荔枝雪芭清新解膩，兩者搭埋一齊係幾好嘅組合。