呢間點心係觀塘有分店 其實一直都想去試
反而今次去左新開既灣仔分店 裝修好有玩味🥳
用左唔少霓虹燈 顏色 去打做成個環境
感覺好靚又igable 好有特色主題
佢地每款點心都做得好精緻 大膽design fusion 點心
但完全唔係亂黎 將唔同元素加入傳統點心
味道新潮但又好夾 賣相非常精緻可愛
1
🐲一龍大滿足(💰$62)👍🏻推薦
幾欣賞佢地既細心
一龍大滿足可以等客人 一次試哂咁6款唔同點心
一個人黎食都唔怕 唔洗share~色彩繽紛 勁igable😍
🥬蟹粉菠菜香蝦餃 菠菜皮包住大大粒蝦肉🦐
上邊滿滿既三文魚籽 咬落同彈牙蝦餃既味道好夾
🦑鹹蛋黃墨魚燒賣 大大粒 墨魚內餡一樣好彈牙
🐟酸菜魚鳳眼餃 橙色餃皮包住肉餡
上面有一片魚片 帶花椒香氣🌶
🍄松露野菌晶瑩餃 藍色半透明餃皮
包住松露+4種野菌碎
一啖食落去松露香氣充斥成個口腔
🥟筍尖蝦餃皇 蝦餃皮薄大大粒 入口爽口啖啖肉
🥢碗豆桃子 迷你壽包 開頭會以為係蓮蓉餡
望真少少先知係綠色豆蓉饀 唔會太甜太膩
🐲龍燒賣(💰$42) 👍🏻推薦
龍燒賣一共有4 粒唔同口味既燒賣
作為燒賣控既👩🏻又點可以放過佢
🥢懷舊燒賣 蟹籽豬肉燒賣 啖啖肉
🦞龍蝦汁墨魚燒賣 大大粒 一咬開係會爆汁 墨魚內餡好彈牙
🌶麻辣牛肉燒賣 燒賣牌牛肉球 加左麻辣元素 惹味但唔會太辣
🥚滷水鵪鶉蛋燒賣 用滷過既鵪鶉蛋幾特別
-
🥬蟹粉菠菜香蝦餃(💰$58)👍🏻推薦
上邊一龍大滿足都有出現過
菠菜皮包住大大粒蝦肉🦐
上邊滿滿既三文魚籽
咬落同彈牙蝦餃既味道好夾😋
🥢馬拉小籠包 (💰$46)
馬拉肉骨茶mix 上海小籠包
肉骨茶帶點藥才味但唔苦 濃度適中易入口
🥢脆脆富貴紅米腸粉(💰$48)👍🏻推薦
呢款紅米腸粉做得好好‼️
煙靭紅米腸粉包脆皮 入邊係滿滿既蝦肉
要讚下食左咁多點心 佢地既蝦肉真係做得好好
爽口彈牙鮮嫩 ontop 有少少沙律醬 成個賣相好靚
另外跟左3個醬汁 泰式辣醬 豉油 花生醬 可以自己慢慢試
花生醬做得好綿滑 不過我自己就最鐘意點泰式辣醬
🧀拉絲菠蘿包(💰$38)
包身非常軟熟 中間有拉絲芝士內饀🧀
食落唔會好似奶黃咁太甜太膩
-
🦐鳳尾蝦多士(💰$56)
睇menu 話係重拾童年回憶
不過👩🏻都係第一次食🤨
蝦多做得幾好食 熱辣辣上 上邊既蝦肉都算大件
多士炸得金黃薄脆輕身 放耐左都唔會腍哂😋
仲有送埋期間限定既甜點‼️‼️
做得非常精緻😍😍😍
