軒寧樓

朋友想食中菜，上OP搵除左酒樓外好似都冇咩選擇，搵搵吓見到呢間中菜位置方便又幾多好評，就決定嚟試下。

收工去銅鑼灣行過嚟好近，嚟到先知係咁大間舖。門面同裝修都好摩登，同一般中餐館唔同，入面好寬敞又乾淨，坐得舒服！

坐低見餐牌有個二人餐 $488，有羹有海鮮菜有麵，就佢啦！

海皇瑤柱羹，好足料，有蝦有魚有豆腐，鮮味十足！

牛仔粒好香口又腍，食吓食吓好快食晒！

蒸扇貝嚟咗個廚師special！用龍蝦湯飯做底再加扇貝，好有fusion feel！扇貝好大粒，火喉剛剛好！

最後仲有個炒芥蘭加伊麵，唔大油都ok，食咗少少太飽食唔晒打包拎走。

甜品薑汁糕都唔錯，好香薑味！