吃吧 (僑建大廈) (已結業)

朋友想去呢間餐廳，加上好耐無去了，水準仍然保持到，同埋多咗啲新意。 餐廳裝修走工業風，坐窗邊仲可以透過落地窗望到旺角彌敦道。 🍱吃吧招牌拼盤前一兩年食嘅係以酥皮為主打，宜家轉左新款式，小食多元化同健康咗，以木盒呈現，開蓋嗰陣仲有仙氣瀰漫， 打卡able。 📸日系木盒六小格米通蝦芒果莎莎、巴馬火腿蜜瓜、煙三文魚珍珠洋蔥、松露毛豆、松露芝士、煙燻芝士同墨魚籽糖心蛋一次過試到兩款芝士條，好滿足。個人偏好巴馬火腿蜜瓜同煙三文魚珍珠洋蔥，幾新鮮同開胃。 烤西班牙豬肋骨份量都唔少， 豬肋骨煮得稔身，配合微辣嘅燒烤醬。 香脆嘅蕃薯條比一般薯條多咗份天然甜甜蕃薯味。 慢煮甜酒薈和牛面頰好軟腍同肉味濃郁。 過咗一兩年都無點加價，保持到水準。 伴碟嘅薯蓉軟綿濃稠。🍹熱情果接骨木花茶朋友以為係復古花樽擺設， 但其實係啱打卡嘅花茶。 賣相比味道吸引，較為清新香爽，唔會太甜。☕️🫖玫瑰百合除咗邪惡嘅奶昔同凍飲，朋友注重養生，都可以嘆茶，同小食盒幾夾。