影片
更多
2021-07-13
49 瀏覽
上星期就食咗健康印度西餐，今晚再嚟同一間餐廳食多次，不過食返正宗印度菜。咦！無嚟一個星期已經改咗Menu喎，索性二合為一，點乜都得。餐前嘅胡椒餅，兩種醬汁各自各精彩。【Butter Chicken】食返款傳統印度菜之一嘅「牛油雞」，滿滿嘅印度香味味，牛油味反而就唔重，雞肉份量都幾多吓，配埋Naan食好正！【Truffle Naan & Garlic Naan】麵粉控嘅我，又食我最期待係烤餅喇！對我嚟講佢先係主角，哈哈！今次點咗黑松露同蒜味兩款，都十分之好食，黑松露味道十分濃郁，完全唔會慳料，而蒜味嗰款再加咗芫茜，又幾夾喎！【Mix Grilled】呢道菜就有少少fusion，印度風嘅烤肉再加西式嘅薯條。有烤牛肉、烤雞同烤免治羊肉。比較少喺印度菜食牛肉，呢件係牛𦟌嚟，肉味算幾濃又唔韌，配埋少少香料烤又幾惹味喎！烤雞同烤免治羊肉係一貫印度菜嘅味道，略嫌烤得有少少乾，不過整體嚟講都好好食！唔講吓呢間餐廳嘅侍應真係好好，反應又快，見我哋食完牛油雞後又即係主動幫我哋換碟食下一道菜，好細心！餐廳環境亦好乾淨舒服，好滿足嘅一餐晚餐！
【Butter Chicken】
食返款傳統印度菜之一嘅「牛油雞」，滿滿嘅印度香味味，牛油味反而就唔重，雞肉份量都幾多吓，配埋Naan食好正！
【Truffle Naan & Garlic Naan】
麵粉控嘅我，又食我最期待係烤餅喇！對我嚟講佢先係主角，哈哈！今次點咗黑松露同蒜味兩款，都十分之好食，黑松露味道十分濃郁，完全唔會慳料，而蒜味嗰款再加咗芫茜，又幾夾喎！
【Mix Grilled】
呢道菜就有少少fusion，印度風嘅烤肉再加西式嘅薯條。有烤牛肉、烤雞同烤免治羊肉。比較少喺印度菜食牛肉，呢件係牛𦟌嚟，肉味算幾濃又唔韌，配埋少少香料烤又幾惹味喎！烤雞同烤免治羊肉係一貫印度菜嘅味道，略嫌烤得有少少乾，不過整體嚟講都好好食！
唔講吓呢間餐廳嘅侍應真係好好，反應又快，見我哋食完牛油雞後又即係主動幫我哋換碟食下一道菜，好細心！餐廳環境亦好乾淨舒服，好滿足嘅一餐晚餐！
張貼
