龍麵館 (已結業)

之前聽講依間中環嘅餐廳幾好味，於是今日同埋朋友一齊黎食. 一開始嘅印象係佢嘅裝修. 裝修幾好, 一入去就見到個碩大嘅金龍係牆上面, 店內擺埋啲詠春木椿等, 幾有武館風格, 睇得出有畀心機裝修。坐低叫左幾樣餸。因為標榜龍麵館，所以都喊左一碗龍肉湯麵。除此之外，亦都喊左包括龍蝦蘿蔔酥、叉燒浸豬籠等點心。點心十分趣緻，例如蘿蔔酥同叉燒酥，本來都是坊間常見的點心，但是依度就比我一啲驚喜。龍蝦蘿蔔酥賣相氣派，望上去就好似成條原條龍蝦咁，超真，味道都唔錯，將龍蝦肉和蝦肉釀入蘿蔔酥入面，既酥又鮮，好開胃，相機同個胃都滿足。相比龍蝦蘿蔔酥，其實我更鍾意叉燒酥，因為隻豬仔真係好得意xdd，做到好似浸豬籠咁，但係一樣都係咁好味，啲叉燒幾高質。今日嘅主角應該係龍肉湯麵。值得一提嘅係湯頭，鮮味好濃，冬天飲就正極。龍蝦肉如同想像中般爽同好味，麵條質感有勁道，龍麵龍麵，話係主角果然有啲料到，係今日最滿意嘅一道。