麻辣風雲 (已結業)

咪睇佢叫麻辣風雲，就以為一定辣到飛起🤭，完全係誤會黎！啲食物好精緻，淨係上枱個下，見到都賞心悅目，打卡一流😍。之前睇過好多推介，已經流晒口水，終於俾我book到啦！🤤⭐️茘枝蝦球一上枱已經嘩嘩聲，仙氣飄飄嘅荔枝樹，好吸晴👀。荔枝造型下，原來係外皮脆米炸得香脆，內裏肉質彈牙，蝦味香濃嘅蝦球，有姿勢有實際👍🏻。再配上酸甜醬，真係食完一粒又一粒🤭。⭐️風雲擎天麵擎天麵真係好誇張👀，麵條炸到脆卜卜，一柱擎天，時間好似停頓左係一秒間咁。配埋附上嘅茨汁，酸甜酸甜咁，甚為開胃，減去左炸麵嘅油膩感👍🏻。加上伴碟嘅茄汁蝦，大家都食到好開懷🤭。⭐️炸饅頭小妹不嬲都係饅頭控，呢個炸饅頭，淨係賣相都不得了！竟然有個諸葛亮企係船頭，加幅麻辣風雲嘅幡，好有氣勢！饅頭外面炸得金黃鬆脆，內裏軟綿綿香噴噴🥰🥰，就算點唔點煉奶，都一樣咁好食！👍🏻⭐️拔絲咕嚕肉咕嚕肉面頭鋪滿糖絲，造型好似一舊雲咁，咕嚕肉肉質彈牙juicy，肥瘦均勻，外皮香脆，酸酸甜甜咁，超好送飯🤤。⭐️薑蔥蠔啲蠔好似金蠔咁大粒😍！粒粒都好厚肉！外面用上炸粉包住，再加薑蔥茨汁，惹味又有鑊氣！⭐️黑糖脆炸糍粑糍粑要整得好食，真係唔容易。糍粑首先要夠熱，先keep到質地煙