摩登堂 (荃灣廣場) (已結業)

餐廳以木色為主調顏色，配合綠色植物為裝飾，感覺自然舒適。卡座靠近玻璃窗邊，吸納大量自然光，食午飯時很舒服。午市餐牌選擇多，仲可以加小食和甜品，相當豐富。手工無骨海南雞飯配冬瓜雞湯海南雞肥美，肉質嫰滑，連雞皮都特別滑。黃油飯飯粒分明，入口時好夠油香味。冬瓜湯香甜，唔似味精湯。宮崎和牛雜錦船湯河雜錦真係有好多料，豆卜，豬皮，腩肉樣樣齊，宮崎和牛更是牛味濃郁，入口軟稔，不得了。濃湯湯底，唔錯。另外加左幾個小食。香茅雞翼，椰香沙爹雞肉串，網米蝦春卷，上湯青菜，味道唔錯，特別喜歡蝦春卷，夠鬆脆。鮮芒生椰楊枝甘露椰汁香濃，配料多，層次多。鮮菠蘿百香果綠研茶果香茶香平均，甜度啱啱好，好喝。另外餐廳嘅甜品都好吸引，雖然已經飽左8成，但都忍唔住點了2個甜品。黑糖珍珠牛奶雪糕牛奶味唔算特別濃，但黑糖珍珠煙煙韌韌，味道唔錯。流金歲月丹麥厚吐司有齊朱古力雪糕，朱古力醬，棉花糖，仲有金沙，絕對係邪惡嘅甜品。厚吐司即叫即整，雖然要等下，但吐司外脆內軟，軟熟嘅內層唔會太飽膩，非常出色，等下都係值得嘅。由主食到甜品，都睇得又食得，下次要再黎試埋佢嘅刨冰先得啦。