影片
更多
2021-12-18
58 瀏覽
邊個話雀籠一定配酒店High tea, 又邊個話飲茶係老套過時💜呢間位於元朗近錦田嘅酒樓，唔單止有靚靚嘅海綠色裝修，仲有大量造型獨特嘅精緻點心🌺例如雀籠點心、紫薯豬仔包🐷、麻雀千層糕等等。 脆皮金磚豆腐粒 $48外脆內軟，蒜香令豆腐粒更香。 雀籠點心 $168呢個係超級推介🥰恨咗食打卡雀籠野食好耐🐦🥰平時睇其他人嘅post見到十次有八次啲雀籠high tea都話唔好食，今次我可以話，呢個真係有樣又有內涵💁♀️ 上層嘅雀係我最鍾意嘅芋角，芋泥好綿，外層炸網又脆又細緻🌺 中層好有驚喜，係流心奶皇紫薯煎堆，奶皇餡好香呀💁♀️個皮唔會太膩。 下層嘅燒賣同蝦餃又大粒，蝦又爽口，仲有麻雀千層糕😍唔太甜啱我。 甘筍咸水角🥕 $48呢個都係好值得叫🤭咸水角嘅皮好軟糯又有啲煙韌🤓個餡夠味。加埋啲oreo泥竟然唔太甜，口感豐富。 鮑魚燒賣 $55每粒燒賣都有隻小鮑魚，燒賣肉香而有口感。 紅菜頭野菌餃🍄 $38呢個好特別，紅菜頭味唔會好青，個皮好煙韌，正。 櫻花蝦香煎薄餅🍕 $33櫻花蝦都幾多，有微微脆邊，而且都幾飽肚。 叉燒腸 $38腸粉排得好靚。🥬中間有生菜增添清新嘅感覺。 茶錢$13/位以上係星期六日
脆皮金磚豆腐粒 $48
外脆內軟，蒜香令豆腐粒更香。
雀籠點心 $168
呢個係超級推介🥰恨咗食打卡雀籠野食好耐🐦🥰平時睇其他人嘅post見到十次有八次啲雀籠high tea都話唔好食，今次我可以話，呢個真係有樣又有內涵💁♀️
上層嘅雀係我最鍾意嘅芋角，芋泥好綿，外層炸網又脆又細緻🌺
中層好有驚喜，係流心奶皇紫薯煎堆，奶皇餡好香呀💁♀️個皮唔會太膩。
下層嘅燒賣同蝦餃又大粒，蝦又爽口，仲有麻雀千層糕😍唔太甜啱我。
甘筍咸水角🥕 $48
呢個都係好值得叫🤭咸水角嘅皮好軟糯又有啲煙韌🤓個餡夠味。加埋啲oreo泥竟然唔太甜，口感豐富。
鮑魚燒賣 $55
每粒燒賣都有隻小鮑魚，燒賣肉香而有口感。
紅菜頭野菌餃🍄 $38
呢個好特別，紅菜頭味唔會好青，個皮好煙韌，正。
櫻花蝦香煎薄餅🍕 $33
櫻花蝦都幾多，有微微脆邊，而且都幾飽肚。
叉燒腸 $38
腸粉排得好靚。🥬中間有生菜增添清新嘅感覺。
茶錢$13/位
以上係星期六日假日嘅價錢，雖然唔係平，但係所有職員都好友善，而且食物又靚又好食，所以都值呢個價🥰會再帶屋企人去支持。
張貼
