碧儷苑·精點粵菜 (擺花街)

營業中

休息中

碧儷苑在中環新開。原來是灣仔舊鴻星原班人馬新開的！餐廳店員服務超好，不得不讚！窩貼金蠔，有墨魚膠夾在內層，而底層既鍋巴更沾有咸蛋黃醬整成！夾住一齊食，口感層次好豐富！脆卜卜好脆口，配上金蠔既咸香，好突出。非常好既餐前小食！杏汁白肺湯，非常多工序既手工湯！用料非常豐富，豬肺，雞腳，瘦肉等配料，味道好帶突出既杏汁香，湯頭極為濃郁！虎蝦煎腸粉，用上秘製醬油，更帶出蝦既鮮味！虎蝦夠大隻又新鮮，肉質爽彈，精華滲到腸粉！口感滑溜。蒸海班球，有白飯魚仔，蝦乾，魷魚乾做topping,鮮味更加濃郁！班球蒸到剛剛好，味道鮮香又好滑dodo, 做了懷舊手法去處理，更有中式傳統感覺！麻辣鮑魚掌翼煲，麻辣味非常出色，鮑魚極貝彈牙，陣陣麻香滲出，非常惹味！鵝掌翼骨膠原豐富，麻辣感好重，感覺偏川式！正。龍哥招牌炒飯，曾獲獎既炒飯，有馬蹄粒，香菇，蝦粒等配料，口感好正又夠濃味！炒飯夠爽身不油膩，鐘意食炒飯既必食！伯爵茶奶凍，清新香味唔會死甜，非常自然清香，茶味吸引！賣相 cute cute既小企鵝，原來是陳皮豆沙包，陳皮味香味好正，又係唔會過甜，好得。