所以提早同爸爸食爸爸節飯。
我哋六點三左右到，
時間尚早，
暫時得幾枱。
當侍應放低呢壺嘢嘅時候，
我以為我爸爸嗌咗個特別嘅茶🤣
點知倒出嚟有層油嘅😱
原來係椰子雞湯至啱😅
個湯好甜椰子味，
好飲！
個點心拼盤係我話要嗌，
因為我好好奇隻天鵝係乜嘢點心。
原來係紫薯酥。
黃金蝦球，
勁大粒而且份量多！
粒粒都平均沾滿鹹蛋漿，
送飯一流！
冰鎮鮮波蘿咕嚕肉賣相十分有氣勢，
原隻菠蘿挖空再加乾冰，
我阿爸話佢咁大個仔都係第一次見🤣
兩個人食唔到十三么唯有食下詐糊，
即係椰汁桂花糕。
上面啲字係米紙，
食得嘅。
不過我同阿爸爸都唔鍾意食，
於是我哋就搣咗張紙先食，
俾我哋意外地發現咗原來張紙同隻牌印嘅嘢係唔一樣㗎！
好無聊嘅開心大發現😆
