顏府御膳 (已結業)

今日去開銅鑼灣，想食中菜，諗返起上颜府御宴食過午餐都非常唔錯，今日就決定嚟試吓去個晚餐，點咗一啲前菜同主菜一共5款菜式。其中我個人最鍾意食佢個薑蔥炒蠔，味道都真係炒得幾香同鮮味，啱啱好保持到好嘅水份同鮮味但係又唔會太過熟。另外佢哋嘅涼拌酸醋木耳作為飯前菜都好開胃，個汁凍凍地冰冰地酸酸地用嚟當作飯前小食幾開胃，而佢哋嘅蝦乾炒芥蘭味道對我本人來講略為小小偏鹹，如果配飯食口感應該更佳。雞腳嘅鮑魚汁炆得啲雞腳好入味而且咸度適中，呢款菜式又係值得推薦。