花見日本料理 (已搬遷) 新店位置

呢日同屋企人嚟食日本菜！餐廳寬敞舒適，有種置身日本既感覺。海膽好鮮甜, 腐皮又好滑, 兩樣野好夾, 系好出色既前菜。我本身唔太鍾意食內臟, 所以本身都唔太想食魚肝, 不過店員推介, 話系季節當造, 咁就大膽一試! 點知比想像中好食, 唔會有腥味, 入口即融, 仲好香添!呢個飛魚刺身好薄, 入口清淡, 冇一般刺身咁香但同時冇咁膩, 啱哂追求健康既人。豚肉露筍串燒同紫蘇串都好多汁，肉味濃，半肥瘦但唔會膩，內裏爽脆，好出色既配搭！由淡至濃咁食，牡丹蝦大隻軟滑，冇腥味，仲好鮮甜！愛侶魚爽口，魚味比飛魚濃d，但同樣魚油比較少，好清淡。池魚就脂肪比較豐富，所以魚味最濃最香，食完口腔仲有一股魚鮮味！跟住就食罕見既筋子壽司，大大粒既三文魚籽清洗後用醋醃製，製作過程好花時間，絕對系心機菜！食落有d醋酸，魚油充滿口腔但唔會膩，好特別！葱吞拿魚海膽卷食落起初吞拿魚味比較濃，海膽既鮮甜味慢慢滲出，兩者出乎意料地夾。明蝦銀杏梳乎厘上面系焗蛋白，下面系煎馬頭魚，馬頭好嫩滑，梳乎厘彈彈既質感好特別！蟹肉蕪菁煮蘿蔔味好清甜，蟹味亦好鮮，啱啱好為一餐做作結。甜品擺盤好靚，抹茶雪糕茶味幾濃，香蕉同金車厘用焦糖煮，夠哂香甜