小灶子 (已結業)

今日去荃灣做野，順便試下呢間隱世小店。佢地午餐都幾多選擇，有沙律，全日早餐，漢堡同意粉，仲包埋飲品，正！我就揀左個吉列雞漢堡。真係幾豐富，除左個包之外，仲有沙律同脆薯角。沙律菜好新鮮，配上日式沙律汁，開胃醒神。個漢堡幾厚下，有菜，蕃茄，吉列雞扒同芝士，醬汁係蛋黃醬，咬落多汁到漏，非常滿足。我聽講佢地咖啡幾好，就試下。叫左杯豆花咖啡，跟餐要加＄１４。呢杯咖啡好驚喜，啜入口感覺係豆腐花，但又滲透著咖啡香，而且係越飲反而咖啡味越濃，好特別。埋單係＄６４，超抵。下次來想試下意粉，好似好吸引。