粵來順 (已結業)

朋友相聚，找來「粵來順」，之前未食過㗎，想試下新嘢就走嚟試下。Book位已經問我要唔要訂呢個「杏汁燉豬肺湯」，我喜歡杏汁，又鐘意豬肺，果然幾好。好香杏汁味，豬肺好淋，點豉油食好好味，鷄腳都好入味。另外叫咗半隻「蜜糖豉油皇雞」，算是中規中矩，雞算滑，豉油也香，唯一係蜜糖，雞雖然係甜甜地，但甜中沒有蜜糖香味，蜜糖味一點都不特出。另叫了「欖豉骨」，聽聞係粵來順的特別菜式。聽個名以為係以豉汁味為主，原來唔係，係酸酸甜甜嗰隻，反而唔係豆豉味，未食過所以都覺得都幾特別。點了「錦勞雲吞」，略嫌失色，雖然夠熱也算脆，但雲吞饀很少，「甜酸汁」好稀，啲料樣樣得一塊，味道也一般。雖然已經飲咗杏汁豬肺湯，最後點都要試埋佢嘅蛋白杏仁茶。好即磨，熱辣辣，夠香夠滑，甜度適中。