喜運 (已結業)

之前上課前已試過呢間4次有多，順序分別試過 咸魚肉餅飯、窩旦牛飯、北菇滑雞飯、鳳爪排骨飯。 今次無理由唔試下其它野架，於是乎擇左過皮旦瘦肉粥...先講之前d蒸飯，第一次食咸魚肉餅飯真係幾正，咸魚有咸香 (可惜太細舊)，肉餅亦蒸得可口，碟頭亦足，飯亦軟熟呢。第二次食的窩旦牛飯，味道亦都好 第三次食的北菇滑雞飯，雞肉好滑多汁，加埋冬菇，口感豐富 ! 第四次食的鳳爪排骨飯，此個甚差矣 首先飯好硬，其次係鳳爪好乾身，一o的豉汁都無 ，o的排骨無肉o架，食完好似無乜野落到肚呢 好，講o下今次碗皮旦瘦肉粥先，好快有得食 碗粥唔係太熱，d料真係好少，睇相可知，粥底同味道勉強接受，但比起海X粥店和洒樓等的都略有不及。Overall感覺呢間鋪水準唔stable and 只不過某幾樣東西好o的吧了。以 飯($17) 、粥 (好似$13) 加 茶錢 ($2) lai 講是算合理的。