坤記粥店 (已結業)

2/2, 係吉之島$10 店買完嘢, 發現原來旁邊有間「坤記粥店」架!嘩~~~ 我仲未食「早餐」架! 見到啲粥同油炸鬼, feel 到自己勁肚餓啦!仲要係咁凍既天氣下, 比我見到佢啲油炸鬼係啱啱炸起架!睇嚟佢哋係習慣每次keep 住只炸幾條, 唔會好似其他粥店咁,成日炸定哂幾十條係度, 過晒氣, 搞到好難食! 坐底後, 諗都唔諗, 就叫咗碗「皮蛋廋肉粥」($11) 同「油炸鬼」($4),個粥唔駛講, 好好食! 條油炸鬼真係仲熱辣辣架! 正~~~~~~!! 真係好耐冇食過咁新鮮既油炸鬼呢! 食完超飽超滿足, 同埋咁先有氣有力去買餸架嘛~~之前食個間係北河街個邊, 真係唔知呢度都有間, 但其實係咪同一個老闆既呢?因為我發現, 呢度既「皮蛋廋肉粥」平$0.5 既???