新釗記 (已結業)

近排放工就去灣仔返學，食晚飯時間老老實實得半個鐘頭咁多。要快食一般都食茶記，咁啱經過呢家就叫碗餃子牛腩麵河。餃子好食，皮薄脆身，皆因有木耳食落好爽脆。有蝦又有豬肉，紮實嘅，咸度適中唔錯！至於牛腩呢，本身搭埋個牛根我就麻麻，牛腩唔算好算冧，有牛味。不過牛根就有腥味，難咬開。最麻麻嘅地方係碗河，湯底似雲吞湯味，河粉粉味太重，有啲未過凈嘅感覺，粉性太黏。