小火焰韓式咖啡廳 (金山樓) (已結業)

已經有一段時間冇食韓國嘢，今日去開大圍就去咗金山樓小火焰韓式咖啡廳食嘢。今次order咗韓國煎餃子蕃茄湯烏冬、大醬牛肉粉絲鍋，甜品揀咗糯米糍3.6牛乳雪花冰，另外飲品有熱柑桔蜜同埋熱柚子蜜 。韓國煎餃子特別大粒而且內裏餡料有傳統韓式醬料味道，且肉料飽滿，外面亦煎得啱啱好金黃色 ，襯埋蕃茄烏冬食，食得出好濃烈嘅蕃茄田園味道。大醬牛肉粉絲窩嘅粉絲就用咗傳統韓國粗身粉絲，好爽滑而且牛肉又嫩及好有牛肉味。糯米糍3.6牛乳雪花冰，有朱古力雪糕球及朱古力糯米糍，糯米糍煙煙靭靭，雪花冰軟滑香甜，真係好豐富，呢餐又食到好滿足。