咖啡灣 (荃灣千色匯) (已結業)

位於荃灣千色附近嘅一間餐廳外牆粉紅色 嘅天鵝餐廳咖啡灣Cafe Swan， 非常少女 ，午市套餐價錢都係一百蚊樓下，包飲品。我叫咗煙三文魚黑松露意粉，煙三文魚份量都幾多，意粉食落幾creamy，而且充滿黑松露味，呢個不錯。另外，叫咗蟹柳蟹肉南瓜意大利粉，呢個南瓜味唔係好出，食落去相對地普通。份量好多。餐飲試咗蒸餾咖啡，味道適合鍾意飲齋啡嘅人，因為咖啡味都偏濃，如果覺得濃可以加糖同奶，自由調配。另一杯叫creme brulee咖啡，latte面上有焦糖脆脆，整得幾香。最後叫咗個甜品香蕉朱古力窩夫，兩個人食完主菜其實剛剛好。