影片
更多
2022-12-20
46 瀏覽
早幾日喺海港城行街 先知道Check In Taipei喺度開咗分店🇹🇼我係咪太out?係咪得我唔知?一見到諗都唔洗諗就入去 好耐冇食佢哋嘅麻糬啦😛呢度嘅裝修好大好靚 粉色系嘅設計帶點夢幻嘅感覺 好啱我呢啲攬住顆少女心死都唔放嘅中女🫶🏻▪️招牌牛肉麵我哋揀咗手工刀削麵 口感十分煙靭 勁鐘意呢種有咬口嘅麵 另外仲有寛粉絲可以選擇🍜湯底濃郁而不死醎 牛肉有5大片 煮得都好夠稔 配料仲有三片豆腐 同埋蟲草花 加咗蟲草花真係生色十少 口感脆脆地又夠香🥢▫️招牌魯肉飯望落細細碗 食落都幾夠份量啦🍚豬肉肥瘦均勻 切成大小不一嘅粒狀 增加口感 醬汁嘅調味都啱啱好😋▪️明太子甜不辣意料之外咁好食🤤送到上枱熱辣辣 已經聞到明太子濃郁嘅香味 甜不辣炸至金黃食 外面香脆 入面軟糯 味道同口感都層次豐富▫️手工鳳梨酥麻糬蛋撻本身諗住食抹茶麻糬 但見到呢個咁特別而且未食過 就比佢吸引咗🥧最高一層係蛋 中間係麻糬 底層係鳳梨酥餡料 用曲奇餅外層包住 切開見到拉絲效果已經好吸引 食落去蛋味/甜味同鳳梨酥嘅酸味 平均得嚟又互相提升 我同朋友都停唔到口 推介必試👍🏻呢度仲有好多台灣特色飲品 我叫咗杯紅豆沙牛乳 兩者味道平均 唔
一見到諗都唔洗諗就入去 好耐冇食佢哋嘅麻糬啦😛呢度嘅裝修好大好靚 粉色系嘅設計帶點夢幻嘅感覺 好啱我呢啲攬住顆少女心死都唔放嘅中女🫶🏻
▪️招牌牛肉麵
我哋揀咗手工刀削麵 口感十分煙靭 勁鐘意呢種有咬口嘅麵 另外仲有寛粉絲可以選擇🍜湯底濃郁而不死醎 牛肉有5大片 煮得都好夠稔 配料仲有三片豆腐 同埋蟲草花 加咗蟲草花真係生色十少 口感脆脆地又夠香🥢
▫️招牌魯肉飯
望落細細碗 食落都幾夠份量啦🍚豬肉肥瘦均勻 切成大小不一嘅粒狀 增加口感 醬汁嘅調味都啱啱好😋
▪️明太子甜不辣
意料之外咁好食🤤送到上枱熱辣辣 已經聞到明太子濃郁嘅香味 甜不辣炸至金黃食 外面香脆 入面軟糯 味道同口感都層次豐富
▫️手工鳳梨酥麻糬蛋撻
本身諗住食抹茶麻糬 但見到呢個咁特別而且未食過 就比佢吸引咗🥧最高一層係蛋 中間係麻糬 底層係鳳梨酥餡料 用曲奇餅外層包住 切開見到拉絲效果已經好吸引 食落去蛋味/甜味同鳳梨酥嘅酸味 平均得嚟又互相提升 我同朋友都停唔到口 推介必試👍🏻
呢度仲有好多台灣特色飲品 我叫咗杯紅豆沙牛乳 兩者味道平均 唔會太甜🫘朋友就叫咗一杯[周董] 其實係茶調雞尾酒嚟架 呢款酒味中淡淡滲出菊花茶味 清香口味幾特別🍸
張貼
