添飲咖啡館 (已結業)

今日要去粉嶺拎野 就睇下有咩正cafe可以坐低做下野 機緣巧合搵到添飲咖啡館！我對花cafe情有獨鍾 裝修簡約舒適 餐牌同佈景都盡見心思 menu係文青風 最有創意係用公文袋包住 食物方便 我叫左伯爵茶蛋卷 同一壼倫敦香桃紅茶 木碟上畫滿朱古力 可以蘸蛋卷食 earl grey味都算濃郁 而茶就加入左香桃乾 所以桃味都幾出 同埋熱水可以refill 建議同朋友去既可以一位叫茶 另一位試下latte 如果蛋卷再切大片啲會更抵食 疫情之下最好要book位先去啊！