新仙清湯腩 (已結業)

如標題，不知所謂，下午三點幾同女朋友經過就諗住入去醫肚，坐左響卡位，嗌個四眼侍應阿姐落單，佢好勁咁隔左成張枱咁落單，可能我地有傳染病掛 ，跟手叫左個咖哩牛脷飯，清湯腩河，個牛脷飯無咩野（或者我睇唔到），但個招牌腩河就極品了，成個碗好似唔係用洗潔精洗，用左油去洗咁 ，算了，點知個腩河上面D油真係多到呢，從未食過清湯腩係咁嘅，仲有，女朋友食左兩淡之後，發現左D野 ，之後成碗再無食過喇，噁心到呢！急急埋單，我同個阿姐講你碗野咁喎，佢就話：哦。我無語...你厲害，之後去左另一間再食過，以後真係請都唔再去，米芝連喎 ！（因為憤怒得濟唔記得影相）