雲壽司 (已結業)

「快啲揀啦，今晚想食咩喎？」我已經餓左成晚架啦，佢仲未諗好食咩！「元氣？今晚想食咩冇咁熱既野。」佢好求其咁應我。「上星期新聞先話呢間野有蟲啊！仲去！？」真係頂佢唔順。「係咩？咁我買埋龜糧就喺附近食啦？」佢向我講，仲慢慢咁周圍望！「你條友淨係掛住啲龜，有冇諗下本小姐而家肚餓啊！」對住佢有時真係唔知笑定嬲好！「咁啊！不如就唔度啦。」佢指住間叫雲壽司既舖頭。未食過，不過而家好肚餓！咩都好啦。估唔到好有驚喜！火炙壽司，特別係火炙三文魚腩壽司！入口即溶，唔會有一點剩低嘅細絲！仲有個帶子壽司，食落去好甘甜仲一啲魚腥味都冇架！唔加豉油同Wasabi都完成冇問題！👍🏻深海池魚食過真係好難忘！冇腥味已經唔洗講，食過去仲有一陣鮮甜既味喺口入面！😋算你啦今次，帶本小姐黎食好嘢！以後都要周圍帶我食好野！ 知唔知道？