泰潮 (嘉咸街) (已結業)

之前喺深水埗店已經食過依間米芝蓮推薦泰國菜，點知佢竟然關咗門，行過中環嘉咸街諗住去食咖哩，俾我發現太朝喺度開咗店，但食咗咁多年嘅咖哩就冇咗　兩個人都肚餓，見到佢個二人餐好豐富，就唔再睇其他啦。A B餐其實只係差個涼拌，因為我好想食酸辣鳳爪，加三十蚊就加啦佢個份量其實好多，咁都叫做加得有道理。佢個餐冇包飲品，但係加$10就可以有啦，而椰青就只係加$25最近鍾意早啲食晚飯因為少啲人食完個酸辣鳳爪，米芝蓮推介海南雞就已經到啦，但係今次似乎鞋口咗少少，個汁依然好好食。炸蝦餅同埋春卷跟住就上場，然後就係咖喱牛筋腩。感覺深水埗店嗰炸蝦餅比較實淨，但呢個都係幾好食嘅。個牛筋腩咖喱，牛筋份量比較多，全部都好淋，但如果想食肉嘅就可能叫豬頸肉比較好啦。個冬陰功上枱嘅時候覺得佢細細煲，但其實裏面份量好多，又有貢丸又有蝦仲有好多秀珍菇，酸酸辣辣好啱而家食。最後嗰炒雜菜就嚟啦，估唔到有幾豐富喎。一睇個大集合，就知會食到我哋非常飽。