影片
更多
2018-01-05
97 瀏覽
同屋企人喺黃埔附近行完街，知道開咗一間叫做九號水產嘅地方，入邊都有好多唔同嘅食肆，大多以日本菜為主。就正正係門口一間叫翔太壽司，門口貼左好多有關佢嘅報道。原來餐廳分別喺2010同2011連續獲得米之蓮港澳指南嘅推介，能夠拎到米芝蓮嘅推介，實力一定有保證，不過最緊要都係睇一睇價錢先。難得價錢都係負擔得到嘅範圍，所以同屋企人入去試吓。店內裝修都好都有日本嘅風格，淡黃色嘅燈光，空間感非常，比人一種好舒服的感覺。什至屋企人話好似去咗日本一樣！而且店員和壽司師傅都好友善。入座後可以選擇坐吧枱，可以近距離觀賞師傅手握壽司時的情況。亦可以同師傅傾下食物經，感受日本菜的味道。不過今日師傅比較靜，我都唔敢打擾他認真炮製食物。不過，就這樣坐低一路嘆住餐廳提供嘅焙茶，一路睇住師傅一件一件地手握壽司，動作一絲不苟，正所謂「台上一分鐘，台下十年功」，單是睇師傅的手勢，這餐飯已經值回票價。細看餐牌，原來有Omakase 選擇，定價都比尖沙咀平，下次可以一試。不過餐廳可以簡單喺餐牌講下三個餐有咩分別，咁樣就更加清楚。甘啱我屋企人有睇到張餐牌，睇嚟下次我都係走唔甩㗎啦。所以立即問店員食Omakase使唔使訂枱，答案都
就正正係門口一間叫翔太壽司，門口貼左好多有關佢嘅報道。
原來餐廳分別喺2010同2011連續獲得米之蓮港澳指南嘅推介，能夠拎到米芝蓮嘅推介，實力一定有保證，不過最緊要都係睇一睇價錢先。難得價錢都係負擔得到嘅範圍，所以同屋企人入去試吓。
店內裝修都好都有日本嘅風格，淡黃色嘅燈光，空間感非常，比人一種好舒服的感覺。什至屋企人話好似去咗日本一樣！而且店員和壽司師傅都好友善。
入座後可以選擇坐吧枱，可以近距離觀賞師傅手握壽司時的情況。亦可以同師傅傾下食物經，感受日本菜的味道。不過今日師傅比較靜，我都唔敢打擾他認真炮製食物。不過，就這樣坐低一路嘆住餐廳提供嘅焙茶，一路睇住師傅一件一件地手握壽司，動作一絲不苟，正所謂「台上一分鐘，台下十年功」，單是睇師傅的手勢，這餐飯已經值回票價。
細看餐牌，原來有Omakase 選擇，定價都比尖沙咀平，下次可以一試。不過餐廳可以簡單喺餐牌講下三個餐有咩分別，咁樣就更加清楚。甘啱我屋企人有睇到張餐牌，睇嚟下次我都係走唔甩㗎啦。所以立即問店員食Omakase使唔使訂枱，答案都係要嘅。不過想食乜嘢到時再決定都未遲。
壽司拼盤主要有八件壽司嘅壽司拼盤，當天嘅壽司全都係時令嘅材料。如果你有選擇困難症就啱哂，唔使唸咁多。
今日有拖羅、海鰻、針魚、象拔蚌、鯛魚等等，海鰻焦香十足，入口細緻，幾有驚喜。拖羅一如以往都係入口即溶，完全冇得輸！另外單點一客呑拿魚腩葱卷
雖然壽司拼盤入邊已經有一客吞拿魚卷，當然另外單點嘅質素都會唔同啦。吞拿魚腩切碎之後，魚油味好出。充滿我口腔，啊！活著真好！
牛肉稻庭烏冬店員先會按人數分開兩碗，好細心！上碟後欣賞豐盛的材料。然後先飲一啖湯，清甜可口。而且，較扁身的稻庭烏冬入口彈牙，煙韌，掛湯度十足。而配上肥牛，肉味香濃，在冬天吃好暖胃。而且入面唔單只係得牛肉, 仲有啲蔬菜。吸了湯汁的白蘿蔔清甜無渣，值得一讚。
想起一次有位日本朋友親自下廚，都係這個味道。甜甜地，有飲完一碗湯的衝動！如果每日能吃到一碗這樣的烏冬做早餐，實有動力繼續番工。無菜落肚又點得呢？
雜錦天婦羅雜錦天婦羅嘅材料都係包羅萬有，一點也不馬虎！有冬菇、金菇、南瓜、番薯、茄子、紫蘇等等，熱辣辣就係之後配上天婦羅汁，入口唔會太多油,而且炸漿非常之薄，好似一層薄紗一樣包住食物，令人感受到材料的新鮮。
食完之後仲有抹茶比你消下膩，很用心，又滿足。幸好家人都對今餐盛宴十分滿意！看來要更比心機做嘢，賺錢食更多好西！最後，不得不讚店員好有禮貌，會好快加茶，而且有笑容。這件看似十分簡單的事，已經令食客好開心。希望這區隨著港鐵而有更多人流，認識這家小店。張貼
