影片
更多
2021-11-05
95 瀏覽
平日食中菜都係食粵菜多，食得多覺得有點悶，今日我哋就食特別啲，食四川菜，今日嘅四川菜同我印象之中嘅四川菜唔同，唔係辣到放唔入口嗰種。啱晒我哋呢啲只可以食BB辣嘅人。入到來餐廳，環境唔錯，時尚裝修帶一點中國風。坐低之後，侍應就遞上溫暖嘅羅漢果茶，適合而家大秋意嘅天氣。芝麻香蔥麻辣口水雞先來個前菜，口水雞已經去晒骨，雞皮爽滑，雞肉嫩滑，麻辣味道啱啱好，好開胃，配菜嘅青瓜好爽口，而且仲有海蜇頭，食到停唔到口。西班牙向日葵甘栗豚叉燒呢個叉燒肉質非常鬆軟，肥瘦相間嘅叉燒，油潤甘香，叉燒汁配上甜度剛好嘅蜜糖，冇人能夠抗拒。井巷子片皮鴨今晚我最期待嘅菜式之一，果然冇令我失望，賣相非常吸引。燒鴨皮燒得色澤均勻，而且仲有成隻燒鴨髀，非常邪惡。餐廳好細心，薄餅皮用爐溫暖着，唔會驚凍咗硬骨骨，跟住餐廳比嘅指示包好片皮鴨，一啖放入口，非常滿足。油脂脂的香脆燒鴨皮入口即溶，配上燒鴨肉，奇異果，蜜瓜，青瓜，京蔥，食多也不會覺得油膩。燒鴨髀影完相之後，侍應便幫我哋切成一件件，方便食用。燒鴨皮嘅皮比片皮鴨嘅皮還要香脆，正！25年黑醋蟹肉酸辣湯酸辣湯加上25年香醇黑醋，味道很醒胃，湯料好豐富，有花膠絲，冬菇絲，木耳絲，
入到來餐廳，環境唔錯，時尚裝修帶一點中國風。坐低之後，侍應就遞上溫暖嘅羅漢果茶，適合而家大秋意嘅天氣。
芝麻香蔥麻辣口水雞
先來個前菜，口水雞已經去晒骨，雞皮爽滑，雞肉嫩滑，麻辣味道啱啱好，好開胃，配菜嘅青瓜好爽口，而且仲有海蜇頭，食到停唔到口。
西班牙向日葵甘栗豚叉燒
呢個叉燒肉質非常鬆軟，肥瘦相間嘅叉燒，油潤甘香，叉燒汁配上甜度剛好嘅蜜糖，冇人能夠抗拒。
井巷子片皮鴨
今晚我最期待嘅菜式之一，果然冇令我失望，賣相非常吸引。燒鴨皮燒得色澤均勻，而且仲有成隻燒鴨髀，非常邪惡。
餐廳好細心，薄餅皮用爐溫暖着，唔會驚凍咗硬骨骨，跟住餐廳比嘅指示包好片皮鴨，一啖放入口，非常滿足。
油脂脂的香脆燒鴨皮入口即溶，配上燒鴨肉，奇異果，蜜瓜，青瓜，京蔥，食多也不會覺得油膩。燒鴨髀影完相之後，侍應便幫我哋切成一件件，方便食用。燒鴨皮嘅皮比片皮鴨嘅皮還要香脆，正！
25年黑醋蟹肉酸辣湯
酸辣湯加上25年香醇黑醋，味道很醒胃，湯料好豐富，有花膠絲，冬菇絲，木耳絲，筍絲還有蟹肉，口感爽口。
油牛肝菌干扁四季豆
好有鑊氣嘅一個菜式，香氣撲鼻，好惹味。
脆皮鮮辣乳鴿
乳鴿燒得好靚，色澤均勻。一咬下去，皮脆肉嫩，冇晒皮下脂肪，乳鴿好多肉汁，乳鴿以特製浸泡水醃製，浸泡水以指天椒為主調。乳鴿好入味，唔會好辣。乳鴿骨則味道好濃，辣到十足，味道刺激。
剁椒花膠海鱸魚撈飯
呢個飯好好味，剁係餐廳自己浸泡，口味偏酸，唔會好辣。依個飯嘅用料好上乘，分量十足嘅花膠絲，加上英國深海鱸魚，好矜貴。花膠絲爽滑彈牙，海鱸魚魚油豐富，魚味濃郁，配上剁椒一齊食，酸辣嘅味道中和花膠同魚嘅飽滯感。炒飯用上靜岡蛋，蛋味特別香，炒底粒粒分明，呢個飯冇得彈。
鮮雜果土紅糖冰粉
呢個四川甜品係第一次食，色彩繽紛，材料同口感豐富，爽滑QQ嘅冰粉配上紅糖，加上花生碎忪子果仁，味道唔會單調，加上甜酸水果，一解食咗好多肉類嘅肥膩感。
最後食埋大大粒爆汁超甜提子同埋藍梅，今餐畫上完美嘅句號。
張貼
