新仙清湯腩 (已結業)

落雨的一個晚上，餓到個肚都響咕咕氣了，一個人就走入商場搵野食，就挑戰這個巨人一人餐。何解我叫佢倣巨人餐呢，因為是一個非常豐富的一人餐，包括:菜，咖啡牛腩飯，釀青椒煎魚餅，我朋友都說，吃得下的應該是巨人了! 今晚我就去做巨人...蜂蜜姜汁薏米很喜歡這杯蜂蜜姜汁薏米，蜂蜜味濃感覺很滋潤，薏米唔太林，好好咬口，跟餐不用額外加錢。時菜今晚跟餐時菜係上湯西洋菜，喜出望外，估唔到西洋菜咁幼嫩，湯很清甜，清清地咁，感覺健康。釀青椒，煎魚餅跟餐小食共有四款，當中可以揀兩款，我揀了釀青椒和煎魚餅，另外仲有牛肚牛脷，新鮮煎起，油比較多，主角咖哩牛腩飯　這店清湯腩非常出名，今次我試咖哩牛腩，貪佢可以撈飯夠惹味，咖哩只點了少辣，有中辣大辣可以揀，咖哩味濃而不咸，欣賞佢個汁的質感，杰杰地，薯仔有一部分熔咗係個汁內，亦有一舊舊完整的，煮得淋身，入晒味。牛腩size大細適中，一口一舊，味道剛剛好，食得出不是上枱前就咁放入汁中果種，索晒咖哩味但仍有牛肉味，牛肉肉質不會太淋，不硬，咬得輕鬆，整體撈飯好開胃。我一個女仔係咁食，搭枱的一對情侶不停地悄悄話咬耳仔，唔知係咪我既食量嚇親佢地呢!!?唔敢相信，我真係食得晒! 薏米