影片
更多
2021-09-15
252 瀏覽
米芝蓮推介嘅餐廳果然無令人失望，服務又好，食物質素又高，非常啱同屋企人或者幾個朋友一齊黎食，叫多幾個餸。😍夫妻肺片🐮每次食川菜都必叫，麻辣涼拌好開胃，有牛肚、牛心同牛𦟌，切得啱啱好，一啖一塊，香麻微辣，幾香幾好食。🌶諾鄧鹽向日葵甘栗豚燒腩仔🐷餐廳選用健康嘅豬，專食向日葵同甘栗，可以降低膽固醇。燒腩仔外皮燒得好香脆，食落有淡淡嘅甘香，冇咁油膩。井巷子片皮鴨片皮鴨外脆內軟，肉質嫩滑，切得又薄，酥脆可口。配料有哈密瓜、金奇異果、青瓜絲、京蔥同傳統京醬，包埋卷餅一齊食，水果嘅甜味令片皮鴨多咗層鮮味，口感豐富。👍🏻蕃茄蛋花花膠湯🍅超級濃郁嘅蕃茄味，重有厚厚嘅花膠，食落好有口感，好有鮮味。熗炒青城臘肉菜花🥦臘肉帶啲鹹香味，用黎炒菜花就啱啱好，好惹味。重慶水煮牛肉牛脷🐮有一層紅油同紅辣椒喺面，望落好似好辣，嗅落重好香，食落更加惹味！牛肉肉質好鮮嫩，厚切牛舌食落好有口感。龍蝦球麻婆豆腐伴炸饅頭🦞第一次用炸饅頭配鹹點，炸饅頭炸得好香口，食落有少少甜味，原來同龍蝦球麻婆豆腐咁夾，一啖甜一啖咸。估唔到龍蝦球都有咁多，肉質爽口又啖啖肉，好正！鮮雜果土紅糖冰粉第一次食冰粉，口感爽滑冰涼，非常解辣解油膩，食完辣野
米芝蓮推介嘅餐廳果然無令人失望，服務又好，食物質素又高，非常啱同屋企人或者幾個朋友一齊黎食，叫多幾個餸。😍
夫妻肺片🐮每次食川菜都必叫，麻辣涼拌好開胃，有牛肚、牛心同牛𦟌，切得啱啱好，一啖一塊，香麻微辣，幾香幾好食。🌶
諾鄧鹽向日葵甘栗豚燒腩仔🐷餐廳選用健康嘅豬，專食向日葵同甘栗，可以降低膽固醇。燒腩仔外皮燒得好香脆，食落有淡淡嘅甘香，冇咁油膩。
井巷子片皮鴨片皮鴨外脆內軟，肉質嫩滑，切得又薄，酥脆可口。配料有哈密瓜、金奇異果、青瓜絲、京蔥同傳統京醬，包埋卷餅一齊食，水果嘅甜味令片皮鴨多咗層鮮味，口感豐富。👍🏻
蕃茄蛋花花膠湯🍅超級濃郁嘅蕃茄味，重有厚厚嘅花膠，食落好有口感，好有鮮味。
熗炒青城臘肉菜花🥦臘肉帶啲鹹香味，用黎炒菜花就啱啱好，好惹味。
重慶水煮牛肉牛脷🐮有一層紅油同紅辣椒喺面，望落好似好辣，嗅落重好香，食落更加惹味！牛肉肉質好鮮嫩，厚切牛舌食落好有口感。
龍蝦球麻婆豆腐伴炸饅頭🦞第一次用炸饅頭配鹹點，炸饅頭炸得好香口，食落有少少甜味，原來同龍蝦球麻婆豆腐咁夾，一啖甜一啖咸。估唔到龍蝦球都有咁多，肉質爽口又啖啖肉，好正！
鮮雜果土紅糖冰粉第一次食冰粉，口感爽滑冰涼，非常解辣解油膩，食完辣野後好啱食，配埋唔同款嘅水果，清甜又好食。
日本雷電赤肉蜜瓜&美國車厘子原來有蜜瓜係橙肉，真係好特別，食落非常甜，第一次食咁甜嘅蜜瓜，非常推薦。😍
麥盧卡蜂蜜鹹柑桔水🍊餐廳用咗三年咸柑桔，好滋潤。
張貼
