貴緣小鍋米線 (崇潔街) (已結業)

今次嚟嚟到紅磡是一間最近好出名嘅米線譜，貴緣米線。今次同朋友嚟，一人買咗一個三餸米線，就係想試多啲款式試吓唔同嘅配菜。牛丸腩肉雞絲麻辣米線我嗌咗少少辣，湯底係香口嘅，米線啱啱好唔會太淋，仲保持彈性。雞絲嘅份量好多，浸咗落啲湯度，可以吸晒啲汁。腩肉娃娃菜豬大腸酸辣米線酸辣米線係加咗啲酸菜嘅，酸味有開胃嘅功能，忍唔住又食多兩啖。豬大腸肥瘦適中，爽口得來有大有少少脂肪。娃娃菜嘅份量都好大份，係我朋友鍾意食所以先嗌既。另外，我哋都嗌咗啲小食麻辣豬肚，同出邊某某米線譜最大分別就係，呢度嘅豬肚係大塊好多唔係豬肚絲，調味方面都相當入味。另外仲嗌咗蒜香雞翼，就好似蒜泥白肉嘅雞翼版咁，蒜頭嘅味道入入晒雞翼度，雞翼又處理得好好，仲好彈牙。