辣得喜米線專門店 (已搬遷) 新店位置

米線控又去搵米線食，今次搵到天后呢間"辣得喜米線專門店"。店細細，食野期間都幾多人拎外賣。自家制鮮蝦丸韭菜餃配紅薯粉 呢度有米線、油麵、公仔麵同紅薯粉，又有4款湯底，我要左紅薯粉配麻酸辣既小辣。呢兩款自家制既餸好好食，蝦丸好彈牙，韭菜餃好足料，大大粒饀料十足。手撕雞海哲撈米線朋友叫左另一款招牌撈米線，份量好多。出面好少食到呢款既撈米線。海蜇爽，唔孤寒都幾多海蜇，正。酥炸雞中翼有驚喜，鐘意食炸雞翼一定要試，外皮薄薄超香脆，雞肉嫩口多汁。麻酸辣雜菇蠔仔呢個出面又係好少有得食，蠔仔撈埋唔同雜菇，又有酸菜，咸咸酸酸辣辣，好開胃。