米奇廚師餐廳 (已結業)

朋友話最近嚟過食自助餐，話呢度品種好多，而且食物都好美味。於是乎，星期六就同咗屋企人嚟試下。一嚟就梗係食啲冷盤先啦😁呢度海鮮有成五款可以揀，有龍蝦又有有長腳蟹，仲有翡翠螺，未食其他已經回晒本。蟹腳同龍蝦食落好有海鮮鮮味，應該係廚師喺解凍果陣冇過分沖水先做到，好細心。其餘仲有幾款精緻嘅冷盤小食，如龍蝦沙律等，認真多品種選擇，讚👍再嚟係必食刺身，見到都有成六款俾客揀。我影完相再返去攞嘅時候，已經係排晒長龍。好在啲廚師不停咁Refill，所以我可以食到最愛嘅吞拿魚同甜蝦 😁 刺生感覺好新鮮，亦冇好似一啲Buffet餐廳咁攪到水水嘅，又一回本位。都仲要留肚食熱盤嘅，除咗燒牛肉之外，呢度仲有呢隻烤火腿。啲菠蘿估計係用嚟鬆肉嘅，火腿食落好嫩好滑，正。而另外燒牛肉亦都一啲唔差，令對牛極有要求嘅我都要食多兩件 😋其他熱盤仲有羊架，猪仔肉同燒三文魚等。火候同調味都好有水準。之後另一邊有廚師即煮意粉同多款中式點心，令我唔係好食生冷嘢嘅母親大人都有好多選擇。唔少得呢條清蒸海上鮮，我本身冇食但母親大人就一碟接一碟。佢同我講話酒樓食嘅都未必次次蒸到咁嘅水準 😂跟著嚟係攪到今餐晚餐超晒標嘅原兇，多款精美嘅迪士尼甜