曼谷食堂 (已結業)

呢間餐廳必要提嘅一定係佢嘅成個裝潢同主題，比人一種好舒適自在嘅假日感覺，佢揉合左現時非常流行嘅簡約設計，而且樓底亦較一般餐廳高，令佢輕易做到一種令食客放鬆心靈嘅感覺。之所以話食野要食埋環境，就係因為當你去舒適環境食野時絕對係一種超凡享受，再加上係呢間餐廳嘅消費算係中價，食物質素有番咁上下，性價比因而亦幾高。食物方面今次試左【滷水豬手飯】及【三餸金邊粉】。【滷水豬手飯】：HKD58呢個飯嘅份量適中，飯份量較少，豬手份量較多，補番數。豬手滷得唔夠入味，但食落幾軟滑；切得幾靚，大概有7-8件，幾抵食。【三餸金邊粉】：HKD58有好多餸選擇，份量就細左D，特別提提個牛筋唔錯。(另收加一服務費)服務方面員工明顯白鴨眼，見係中產以上人士會提供更全面服務，例如主動問你加唔加錢轉油飯。呢D舉動馬上令呢間餐廳扣哂分，希望呢D係餐廳內嘅害羣之馬，而唔係公司Policy。因為刻意區分入店進食嘅食客，而大家比同樣嘅錢係好唔公平。