炭火Dining 炎

營業中

休息中

今次呢間串燒屋唔似傳統居酒屋式，有少少無印風格，行簡約風格，以木系做主調，而且氣氛比較寧靜，好啱兩個人靜靜地食嘢傾計。近排天氣超凍，所以店員就推介我地先飲雞湯，暖一暖身。第一啖已經品嚐到鮮甜中有少少柚子香，再落就感到暖意四散全身，高度推薦。酢北海道生蠔-用酢作調味，酸酸地，生蠔一口一隻，蠔身飽滿，爽口開胃。關東大根天婦羅-同一般的天婦羅不同，外層薄脆，而白蘿白用關東煮的方法烹調過，內裡又腍又多水份。另一食法是沾抹茶鹽食用，個人就比較偏愛原味的清甜。熟成手羽燒雞翼-基本是必點食物。燒雞蠔肉-是雞的雞腿與背部連接的橢圓位置，肉質鮮嫩多汁，十分矜貴，師傅以炭火燒至外脆，一口一粒！雞皮海老-好考驗師傅的心機，先要幫隻蝦去殼，再用雞皮包好再燒，啖啖肉，中間重有紫蘇葉，突出味道。青提豚肉卷-又一外脆內juicy的必點食物，今次師傅係外層加多層甜甜嘅醬汁。腐皮牛肉卷-用腐皮夾牛肉捲起再串起燒，入口好鬆軟，而且有牛肉的油脂，好香口。日本北寄貝-輕輕的煮熟，拿捏得啱啱好，肉質彈牙，而且有用柚子一同煮，好fresh。燒粟米-用白粟米燒，好香甜Q彈。厚揚豆腐-外脆內裡juicy，濃濃的醬油味道。