終於考完試出關囉！
想近近地搵間悠閒文青風嘅cafe同小朋友chill吓放鬆吓，網上見到位於元朗yoho mix呢間環境簡約舒適，走向文青打卡路線嘅cafe, 整體空間感及光線充足，即時讓人有種慢活、放鬆生活節奏嘅感覺🤭
我哋當日揀咗性價比高質嘅晚市二人套餐:
🥢紅酒燴西班牙豬軟骨意大利飯🇮🇹
豬軟骨炆得夠「淋」身又入味，意大利飯每粒都充滿汁料，易入口唔會太重酒味，小朋友都啱食！
🥢自家手打美國安格斯牛肉漢堡🍔配薯條
呢個安格斯牛肉漢堡賣相非常吸引😍淨係見塊漢堡都成吋厚非常足料!!! 牛肉味濃郁，入口juicy又豐富, 薯條配合辣粉好惹味，店員知道有小朋友食，仲好貼心主動幫忙分開辣粉上👍
🥢蒜蓉焗蠔🦪
蒜味又香又濃，配上熱辣辣肥美蠔肉，啖啖肉味道非常惹味😋連呀囡平時唔食都忍唔住要嚷著要食，之後仲愛上了🦪😍🤭
🥢是日餐湯兩份
黑松露味道不錯，湯香濃又有口感，充滿粒粒菇菌，個人十分喜歡👍
🥢葡萄柚冰茶
葡萄味道微甜又解渴，小朋友也喜歡💕
🥢朱古力咖啡
一上枱見到呢個拉花已經心心眼😍重點是由專業拉花咖啡師用心製作☕️我見每杯咖啡嘅拉花圖案都不一，杯杯都靚到一定要打個卡先好去飲🤭呢杯朱古力味濃得嚟又唔會蓋過咖啡～好飲！！！
