見時間尚早，門口冇咩人，啊媽又話食唔厭，於是就黎咗lee間漁樂！
一入黎就俾幾杯水，水冇水喉味，反而有淡淡檸檬清香，加分！
餐牌都算幾多選擇，有小食，沙律， 湯，雞類，海鮮類， 亦有炒飯麵，冬陰功類， 最欣賞係有埋粉面，可以俾你一個人幫襯又得，成家人散叫叫餸亦得，得咗！
今日我地決定每人一個main course。 分別係火車頭雜錦金邊粉， 海南雞飯。
火車頭金邊粉湯底偏鹹，比較濃味。 裡面有豬肉丸，札肉，肥牛。 材料算幾足，最欣賞係個豬肉丸，居然有淡淡蝦醬味，好食！金邊粉尚算彈牙，我俾4分！
至於啊媽個海南雞飯都唔錯。雞油飯充滿油香，雞肉幼嫩，配上濃濃甜甜ge醬油，好食！
1
唔算太貴，又近近地，食物質素唔差， 我地應該會成為 常客！
