更多
2018-07-24
106 瀏覽
今晚晚餐想食日本野, 嚟到修頓球場附近呢間樓上日式料理。餐廳裝修簡潔, 氣氛寧靜舒適。坐底已經好餓, 先上個北海道薯仔沙律, 一球球好似雪糕咁嘅薯仔沙律, 好睇又好食, 係唔錯嘅開胃前菜。幾款少食都唔錯, 酒盜芝士配又薄又脆嘅魷魚脆片, 十分滋味。燒雞泡魚乾, 口感比想像中軟身, 調味不會過重, 切成幼條, 每次食幾條, 絕對會食上癮。鹽水煮枝豆簡單又好食, 營養價值仲好高添。原條東星斑製成天婦羅, 鮮嫩魚肉被外層炸漿牢牢鎖住, 係真正嘅外脆內嫩。韭菜煮蛋, 感覺很住家, 加上木魚絲別有一番風味。最後以入口即溶嘅抹茶布丁作結, 美味滿足。
張貼