School Food (已結業)

今日放假, 諗著輕輕鬆鬆, 行吓街, 睇吓戲, hea 一吓。 自由行散退後的又一城, 份外令人行得舒服。 今次行吓行吓見到 school food, 吾駛排隊, 而且想食韓國野, 所以入去試試。首先叫咗杯柚子沙冰特飲, 味道清新, 好飲。 跟住叫了特色拼盤, 最出色係個辣味酱汁, 係似介辣味的蛋黃醬。至於豬肉就炸到好乾, 似柴皮一樣, 有啲失色。辣味的 carbonara 年糕, 味道一般, 辣味蓋過了一切。總括嚟講, 無乜期望, 所以無乜失望, 簡單食個下午茶都 ok。