由西營盤社區中心(即係高街精神病院, 即係將來西營盤站) 行一陣就會見到Easyliving
門口好"簡單", menu都好簡單, 2個人就好簡單咁叫咗2個餐
餐可選跟湯or沙律, 所以各要一客
一般跟餐沙律都係幾塊菜就算, 佢就成個salad bar咁, 好簡單的沙律因為用料新鮮加上合心意, 仲有多款醬汁選擇而變得不簡單, 真係認真.
湯就係意大利菜湯, 其貌不揚, 並唔係一般又紅又酸果種, 淡口但有新鮮茄味, 感覺好fresh, 冇話飲咗一碗味精果種feel.
1
主菜一, 係pizza, 應該係至尊(食完忘記咗), 據店長講, 係法國北部薄批做法, 唔係平時似餅乾果種, 而係似超薄䓤油餅果種質地, 唔會咬落去碎晒. 味道都係淡口, 肉味唔濃, 香味就好特別 (可能係用嘅香料少食到). 所以8寸pizza, 女仕都應該食得晒, 男仕可能夠喉
主菜二, 肉醬意粉, 肉醬好明顯係佢自己做, 唔係現成, 因為冇太多黏住黏住嘅口感, 亦冇混咗茄糕果種人做茄味, 你會清楚食到牛肉味 (係, 佢有得選擇牛定豬). 意粉係有咬口果種而唔係發到豬腸咁大條"林"晒果種
甜品係另外叫, Häagen-Dazs with home made cookie
好彩有叫, 呢味野真係feel晒冷暖咸甜! 係呢餐飯完美句號
凍而甜嘅Häagen-Dazs雪糕配上暖而咸嘅cookie(有果仁餡), 又俾佢平衡到, 真係好豐富
其實, 食物方面真係唔錯, 價錢唔貴, 而且認真, 但係如果你鐘意濃味, 香港localise咗嘅西餐, 咁就一定唔啱食, 相反, 你鐘意特色, 清新口味, 甚至喜歡細味食物就應該啱
店內
