文記車仔麵 (福榮街)

營業中

休息中

平時出開旺角食，已經食到冇咩好食，由於朋友唔想再係旺角食，所以我地去左過2個站既深水埗搵食。一嚟到見到咁多人排隊就知唔簡單，一條街仲要有成三間鋪，睇嚟係有啲料到。我地排個間多數做外賣生意，不過都有堂食。我叫左招牌雞翼，豬手同埋魚腐。朋友就叫左雞翼蘿蔔同埋豬腸。佢地個雞翼同豬手真係必食，好淋好入味。之前去過食一間車仔麵，佢地既雞翼好乾已經冇哂肉汁，就好似屋企食淨再番叮既味道。不過呢度啲雞翼真係好淋好入味，可惜係得2隻，要食就要再散叫。豬手一樣好入味，好好食。反而魚腐就不過不失好普通。份量對我嚟講係啱啱好，行多陣會有啲餓。不過會再番去食。